Samuxda ehsan qadağan edilib?
Məlumatda bildirilir ki, çay süfrəsi istisna olmaqla, ehsan verən şəxslər cərimələnəcək.
Sosial şəbəkələrdə isə bu qərarın arxasında Samux Rayon İcra Hakimiyyətinin başçısı Firdovsi Əliyevin durduğu iddia olunur.
Məsələ ilə əlaqədar Gununsesi.info -nun sorğusuna cavab verən Samux Rayon İcra Hakimiyyətinin başçısı Firdovsi Əliyev bildirib ki, bu məsələnin ona heç bir aidiyyəti yoxdur:
“İcra başçısının nəyinə lazımdır ki, kim ehsan verəcək, ya verməyəcək? Bu məsələ rayonun ağsaqqalları tərəfindən irəli sürülüb. Onlar öz aralarında məsləhətləşib belə bir qərar qəbul ediblər. Mən də bunu alqışlayıram”.
Firdovsi Əliyev, həmçinin qeyd edib ki, ümumiyyətlə, ehsan verilmədiyi fikri ilə razı deyil:
“Əgər orada çay, su, xurma, mövsümi meyvələr və lavaş arasında halva verilirsə, bu da ehsandır”.
