Bakı metrosu 24 saat fəaliyyət GÖSTƏRƏCƏK? – Rəsmi AÇIQLAMA
Bu səbəbdən də Bakı metrosunun fəaliyyət saatlarının uzadılması məsələsi vaxtaşırı gündəmə gəlir. Belə bir addım həm gecə saatlarında tıxacların qarşısını almağa, həm də insanların gecə gəzintilərinə şərait yaradılmasına imkan verə bilər.
Qeyd edək ki, dünyanın bir çox ölkəsində metro 24 saat fəaliyyət göstərir.
Bəs, Bakı metrosu 24 saat fəaliyyət göstərə bilərmi?
Mövzu ilə bağlı “Bakı Metropoliteni” QSC-yə sorğu ünvanladıq. Qurumdan Bizim.Media-ya verilən açıqlamada bildirildi ki, metro stansiyalarının iş saatları texniki və əməliyyat qaydalarına uyğun olaraq, günün saatları üzrə əhalinin ictimai nəqliyyata olan tələbatı nəzərə alınmaqla müəyyənləşdirilir:
“Gecə saatlarında stansiya və tunel infrastrukturunda normativ tələblərə uyğun texniki baxış, qulluq və təmir işləri aparılır.
Bu işlər təhlükəsiz sərnişindaşımanı təmin etmək və bütün infrastrukturun saz vəziyyətdə saxlanılması məqsədilə həyata keçirilir. Məhz bu səbəbdən Bakı metropoliteninin 24 saat fasiləsiz fəaliyyət göstərməsi hazırda mümkün hesab olunmur”, - deyə qurumdan bildirilib.
Metropolitendən o da qeyd olunub ki, xüsusi günlərdə, paytaxtda keçirilən mədəni-kütləvi tədbirlər zamanı zərurət yaranarsa, metro stansiyalarının iş vaxtı uzadılır və sərnişinlərin rahat, təhlükəsiz daşınması təmin edilir.
