“Azərbaycanın işğal olunmuş ərazilərinin boşaldılmasını daim vurğulayırıq” - İran
“Biz dəfələrlə Azərbaycanın ərazi bütövlüyünü və işğal altındakı şəhərlərin boşaldılmasının vacibliyini vurğulamışıq. Azərbaycanın işğal olunmuş ərazilərinin boşaldılması İranın daim vurğuladığı bir mövzudur”.
“Anadolu” agentliyi məlumatına görə, İran hökumətinin sözçüsü Əli Rəbii bildirib ki, Tehranda təşkil etdiyi mətbuat konfransında jurnalistlərin suallarını cavablandırıb.
Rəbii Tehran rəhbərliyinin Ermənistana silah verməsi iddialarına reaksiya verib:
“Bəziləri şeytanlıq edərək İranın bölgə xalqları ilə mədəni həmrəyliyini hədəf alır. Silah yardımı və ya digər məsələlər heç bir şəkildə İranın siyasəti və strategiyası deyil. Biz dəfələrlə Azərbaycanın ərazi bütövlüyünü dəsətkləmişik və işğal olunmuş şəhərlərinin boşaldılmasının vacibliyini vurğulamışıq. İşğal olunmuş Azərbaycan ərazilərinin boşaldılması İranın daim vurğuladığı bir məsələdir”.
