Ukrayna Krımda Rusiyanın 6 hərbi katerini vurub
Qeyd olunur ki, dünən səhər Simferopol hava limanı PUA-ların hücumuna məruz qalıb və onlardan ən azı 2-si hədəfə, biri birbaşa Mi-8 hərbi helikopterinə düşüb və o, tamamilə məhv edilib.
Həmçinin, Astra yazır ki, OSINT resursunun AviVector peyk şəkillərinin təhlilinə əsasən, Mi-8 və Mi-24 helikopterlərinin yerləşdiyi yerlərdə yanğınlar görünüb. Onların hər ikisinin məhv edildiyi iddia edilir. Bundan əlavə, nəşrin məlumatına görə, həmin gün Voloşino kəndi ərazisindəki sərhəd zonası, yəni Rusiya sərhəd zastavasının ərazisi Ukrayna Neptun raketlərinin hücumuna məruz qalıb. Orada, “Astra”nın məlumatına görə, 6 kater zədələnib, bir hərbçi həlak olub. Bir İHA eyni ərazidəki kazarmaya dəyib, nəşrin zərbənin nəticələrindən xəbəri yoxdur. Bu arada “Militarnyi” bildirir ki, Armyansk yaxınlığında Ukrayna Müdafiə Qüvvələrinin Neptun qanadlı raketləri FSB-nin obyektini vurub. Zədələnmiş qayıqlara gəlincə, nəşr güman ki, bunlar A-8 Xivus və A25PS katerləri ola bilər: "A-8 Khivus-un uzunluğu 7,45 m, eni isə 3,30 m-dir. Maşın 143 at gücündə benzin mühərriki ilə təchiz olunub. Maksimal sürət 60 km/saat, hərəkət məsafəsi 400 km-ə qədərdir. Ekipaj iki nəfərdən ibarətdir, həmçinin səkkiz nəfərə qədər sərhəd patrulunu daşımaq mümkündür".
Nəşr bildirir ki, A25PS qayığının uzunluğu 17,23 m, eni isə 7,94 m-dir. O, hər birinin gücü 370 at gücünə malik iki dizel mühərriki ilə təchiz olunub, maksimal sürəti 93 km/saata, hərəkət məsafəsi 500 km-ə qədərdir. Qayıq 30-50 desant apara bilər, ekipaj iki-üç nəfərdir.
