Mustafa Sarıgülün daha bir oğlu həbs edildi
Türkiyədə Yeni Partiya üzvü olan deputat Mustafa Sarıgülün daha bir oğlu qanunsuz maliyyə əməliyyatında təqsirli bilinərək həbs olunub.Mia.az Türkiyə mətbuatına istinadla xəbər verir ki, İstanbul Baş Prokurorluğu tərəfindən aparılan istintaq çərçivəsində deputatın Ömər Sarıgül adlı oğlundan sonra digər oğlu Emir Sarıgül də qandallanıb.
Məlumata görə, onun haqqında da həbs qətimkan tədbiri seçilib: "Deputatın oğlanları və daha 15 nəfər saxta şirkətlər yaradaraq təxminən 200 milyon avroluq qanunsuz əməliyyyatlar aparmaqda ittiham olunurlar. Maraqlı budur ki, eyni ittihamla deputat Mustafa Sarıgülün özü də təqsirli bilinsə də, toxunulmazlığı olduğundan onunla bağlı materiallar cinayət işindən ayrılaraq Ankara Baş Prokurorluğuna göndərilib".
