"LANDAU School"da Şəhidin qızına qarşı ədalətsizlik
Gundeminfo.az xəbər verir ki, bu barədə sosial şəbəkələrdə Sahib R. Asadbayli adlı şəxs paylaşım edib. O daha sonra yazıb:
"Mən Vətən müharibəsi şəhidi, leytenant Bağırov Süleyman Loğman oğlunun həyat yoldaşıyam. Qızımız Nilufər atasını heç vaxt görə bilmədi. Amma atasının ruhuna layiq olaraq təhsil yolunda ilk addımında böyük uğur qazandı - LANDAU School-un məktəbəqədər imtahanında yüksək nəticə əldə etdi. Buna baxmayaraq şəhid övladları üçün nəzərdə tutulmuş "Polad Təqaüd Proqramı" çərçivəsində heç bir filialda ona yer tapılmadı. Cavab isə sadəcə "yer yoxdur" oldu. Halbuki LANDAU-nun Xətai, Bayıl, Sea Breeze, Zabitlər Parkı, Gənclik kimi filialları mövcuddur.
Sualım budur: şəhidin övladı üçün bir sinifdə yer tapmaq bu qədərmi çətin idi? Mən balamın haqqını tələb edirəm".
Həqiqətən dəhşətli bir mənzərədir. Gundeminfo.az olaraq düşünürük ki, bu məsələyə "LANDAU School"dan normal bir açıqlama gələr.
Bəli hər il milyonlarla manat gəlir əldə edən, zənginlərin övladlarına təhsil verənlər görəsən düşünüblərmi ki, bu körpə balamızın atası Azərbaycan var olsun deyə canından keçib? Düşünürlərmi?
