Kalininqradda şirkət rəhbəri başı kəsilmiş halda tapılıb
Musavat.com Rusiya mediasına istinadla xəbər verir ki, cəsədin başı üstündə olmayıb, yanında yedək trosu olub. Faciənin bütün şəraiti araşdırılır.
Cəsədi tapılan Aleksey S. təsisçiləri Hollandiya və Kipr şirkətləri olan “K-Potash Service” şirkətinə rəhbərlik edib. O, 2022-ci ilin oktyabr ayından kombinatın baş direktoru vəzifəsini tuturdu.
2024-cü ildə şirkət Nivenskoye kəndində kalium mədəninin işə salınmasının təxirə salınması ilə bağlı qalmaqalın mərkəzində olub. Daha sonra şirkət nümayəndələri layihə-axtarış işləri aparıldığını, avadanlıqların dəyişdirildiyini bildiriblər. Bu kənddəki mədən 2021-ci ildə fəaliyyətə başlamağa çalışsa da, yerli sakinlərin etirazı nəticəsində işə salınmasının qarşısı alınıb.
