General Ramiz Zeynalovun qardaşı oğlunun Dubaydakı mülkləri üzə çıxıb - SƏNƏDLƏR/FOTO
Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) rəisi, general-polkovnik Ramiz Zeynalovun qardaşı oğlu Aqil Zeynalov Dubayda ümumi dəyəri 620 min manat olan iki mənzilini yeli əmlak satışı platformasında satışa çıxarıb.
Gundeminfo.az xəbər verir ki, bunu jurnalist Cavanşir Həsənli yazıb.
Dubayın əmlak portalında yerləşdirilmiş elana görə mənzillərdən biri "Əzizi Rivera”da yerləşir və dəyəri 700 min BƏƏ dirhəmidir (təxminən 324 min manat). İkinci mənzil isə Xalianın (Dubay) 18-ci rayonunda yerləşir, qiyməti 640 min BƏƏ dirhəmi (296 min manatd).
O qeyd edib ki, mənzillər Aqil Zeynalovun Birləşmiş Ərəb Əmirliklərində qeydiyyatdan keçmiş "ZEYNALOVS REAL ESTATE L.L.C” (Zeynalovlar Daşınmaz Əmlak MMC) şirkəti tərəfindən satışa təqdim edilib. Daşınmaz əmlak bazarında 5 ildən bəridir ki, fəaliyyət göstərən şirkətin özünün internet səhifəsində isə daha bir neçə mənzil satış və ya kirayə məqsədilə təklif olunur.
