DİM Polis Akademiyasına iki ixtisas üzrə sənəd qəbulu elan edib
Bu barədə Dövlət İmtahan Mərkəzindən məlumat verilib.
Qeyd edilib ki, müsabiqədə Azərbaycan dilini sərbəst bilən, boyu azı 165 sm, çağırışçı kimi Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrində qeydiyyatda və həqiqi hərbi xidmətə yararlı olan, buraxılış sinfində (11-ci sinifdə) oxuyan və ya tam orta təhsilli, 16 yaşdan 18 yaşadək (2025-ci ilin avqust ayının 1-dək 16 yaşı tamam olacaq) Azərbaycanın kişi vətəndaşları iştirak edə bilərlər.
Sənəd qəbulu bu gündən 2025-ci il fevralın 23-dək namizədin daimi qeydiyyatda olduğu inzibati ərazi üzrə polis idarə və ya şöbələrində həyata keçirilir.
İmtahanlar Azərbaycan və rus dillərində keçirilir.
