Vergi borcu olan şirkət 12 milyonluq tenderin qalibi olub
Yeniavaz.com açıqlanan rəsmi məlumatlara istinadən bildirir ki, dəyəri 11 milyon 843 min 596 manat 64 qəpik olan tender müsabiqəsinin qalibi “Teymur-M” MMC (VÖEN- 2000552081) olub.
Qeyd edək ki, tenderin qalibi olan “Teymur-M” MMC Araz çayı üzərindəki Bəhrəmtəpə hidroqovşağında qəza vəziyyətinin aradan qaldırılması tədbirlərini həyata keçirəcək.
Nizamnamə kapitalı 20 manat olan “Teymur-M” MMC-nin hüquqi ünvanı Xətai rayonu, Neapol, ev 9, m. 30-da yerləşir. MMC-nin qanuni təmsilçisi Vəliyev Saday Rəhim oğludur.
Onu da bildirək ki, 11,8 milyon manatlıq tender müsabiqəsinin qalibi olan “Teymur-M” MMC-nin hazırda dövlət büdcəsinə 25 min 651 manat 29 qəpik vergi borcu var.
