Bu işə maneəçilik törədənlər 800 manatadək cərimə ediləcək
Gundeminfo.az xəbər verir ki, bu məsələ Milli Məclisin bu gün keçirilən plenar iclasında müzakirə olunan İnzibati Xətalar Məcəlləsinə dəyişiklik edilməsi barədə qanun layihəsində öz əksini tapıb.
Qanun layihəsinə əsasən, çağırışçıların və hərbi vəzifəlilərin hərbi uçotunu aparan orqan və təşkilatlar tərəfindən çağırışçılara və hərbi vəzifəlilərə onların müvafiq icra hakimiyyəti orqanına çağırılması barədə məlumatın verilməməsi, yaxud onların çağırış məntəqələrinə və ya toplanış yerinə vaxtında gəlməsinə maneçilik törədilməsinə görə vəzifəli şəxslər 200 manatdan 300 manatadək məbləğdə, hüquqi şəxslər 600 manatdan 800 manatadək məbləğdə cərimə ediləcək.
Mövcud qanunvericiliyə əsasən, vəzifəli şəxslər 80 manatdan 150 manatadək məbləğdə, hüquqi şəxslər 200 manatdan 400 manatadək məbləğdə cərimə edilir.
Qanun layihəsi səsə qoyularaq üçüncü oxunuşda qəbul olunub.
