İran hakimiyyəti limandakı partlayışın təxribat ola biləcəyini istisna etmir
Yeniavaz.com xəbər verir ki, bunu “Rouydad 24” portalına müsahibəsində ölkə Məclisinin Milli Təhlükəsizlik və Xarici Siyasət Komitəsinin üzvü Məhəmməd Mehdi Şəhriyari deyib.
“Əsas variantlardan biri o ola bilər ki, bu, FPV pilotsuz təyyarələrinin zərbəsi və ya təxribatçıların içəri daxil olması nəticəsində baş verib”, - parlamentari deyib.
Xatırladaq ki, mayın 26-da İranın Bəndər-Abbas şəhərində Şəhid Rəcai Limanında güclü partlayış baş verib. Həmin günün axşamı limanda növbəti partlayışlar qeydə alınıb. İlkin məlumata görə, hadisə kimyəvi məhsullar anbarında baş verib. Bununla belə, partlayışa nəyin səbəb olduğu hələ məlum deyil. Hadisə ilə bağlı araşdırma davam edir.
Digər tərəfdən, Hörmüzqanda üç günlük, ölkə miqyasında isə bir günlük matəm elan edilib.
