İcra başçısı tərəfindən növbəti dəfə vətəndaşların müraciətləri dinlənilib
Qəbula gələn vətəndaşlar əsasən işlə təminat, maddi köməklik, suvarma suyu ilə təminat, bələdiyyədən örüş üçün torpaq sahəsinin ayrılması, evinin sənədləşdirilməsinə köməklik, ticarət obyektinin yerinin sənədləşdirilməsinə köməklik, elektrik dirəyinin yerinin dəyişdirilməsi, içməli su təminatı, suvarma arxının təmizlənməsi və digər məsələlərlə bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Rayon sakinləri ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
