Misir Mərdanov: “Ramiz Mehdiyevin çox adamla bağlılığı var, onların bir çoxu bu gün də meydan sulayırlar, cəzalarını alacaqlar”
“Ramiz Mehdiyev Yeni Azərbaycan Partiyasının Veteranlar Şurasından çıxarılacaq. Yəqin ki, hər yerdən çıxarılacaq. O maddə ilə ki ittiham olunur, çox ağır maddədir. Mənə belə gəlir ki, ona heç yerdə yer yoxdur. Vaxtında etdiyi pisliklərin, nəhayət, cavabını aldı”.Bu sözləri Pravda.az-a açıqlamasında YAP Veteranlar Şurasının üzvü, sabiq təhsil naziri, akademik Misir Mərdanov deyib.
“Heç şübhəniz olmasın ki, Ramiz Mehdiyevin çox adamla bağlılığı var. O adamların bir çoxu hələ bu gün də meydan sulayırlar. Yəqin, onlar da öz layiqli cəzalarını Allahın izni ilə alacaqlar”, - M.Mərdanov bildirib.
