Cavid Qurbanovun sabiq müavini STP-dəki vəzifəsindən azad edildi
“Sumqayıt Texnologiyalar Parkı” MMC-nin rəhbərliyində dəyişiklik olub. “PostMedia”nın əldə etdiyi məlumata görə, qurumun Baş direktoru Valehov Hicran Qardaşxan oğlu vəzifəsindən azad edilib.Onun yerinə bu vəzifəyə Abbaslı Ələkbər Adil oğlu təyin edilib.
Qeyd edək ki, Hicran Valehov 2023-cü ildən STP-yə rəhbərlik edib.
O, 2016-2023-cü illərdə isə “Azərbaycan Dəmir Yolları” QSC-nin (ADY) sədrinin müavini olub.
2022-ci ilin mayında Cavid Qurbanov ADY sədri vəzifəsindən azad edildikdən sonra Sədr vəzifəsini 7 ay müddətində Hicran Valehov icra edib.
