Azərbaycan Qəzza sektoruna sülhməramlı kontingent göndərməyə razılaşıb
ABŞ-ın BMT yanında daimi nümayəndəsi bildirib ki, Azərbaycan Qəzza sektorunda yerləşdirilməsi planlaşdırılan beynəlxalq sülhməramlı qüvvələrin tərkibində iştirak etməyə razılıq verib.KONKRET.az xəbər verir ki, onun sözlərinə görə, ABŞ-ın sabiq prezidenti Donald Trampın irəli sürdüyü sülh planı Beynəlxalq Sabitləşdirmə Qüvvələrinin yaradılmasını nəzərdə tutur. Diplomat qeyd edib ki, bu qüvvələrin tərkibində ABŞ hərbçilərinin iştirakı planlaşdırılmır.
“Bu plan beynəlxalq sabitləşdirmə qüvvələrinin formalaşdırılmasını nəzərdə tutur. Mən istəmirəm ki, orada Amerika qoşunları olsun. İsrail hərbçilərinin geri qayıtması isə tammiqyaslı müharibə və normallaşmanın olmaması deməkdir ki, bu da ciddi problemdir. Məhz buna görə beynəlxalq kontingent yaradılacaq. İndoneziya, Azərbaycan və digər ölkələr artıq bu prosesdə iştirak etməyə razılıq veriblər”, – deyə Uolts “The Hugh Hewitt Show” radio proqramına müsahibəsində bildirib.
