Erməni tərəfi hələ də verdiyi itkiləri dəqiqləşdirir
Erməni tərəfi həftə ərzində 36 nəfər ölü , 122 nəfər yaralı olmaqla itki verib. Virtualaz.org bildirir ki, bu barədə Ermənistanın müdafiə Nazirliyi xəbər verir.
“Dəqiqləşdirilmiş məlumata görə, Aprelin 1-dən 7-nə qədər ordu 36 nəfəri, həmçinin 9 zabit və gizir, 27 çavuş, sıravi və müqavilə ilə xidmətə cəlb etdiyi hərbçiləri itirib. 122 nəfər və 24 zabit yaralıdır. Bundan əlavə, “öldürülmüş 4 nəfər bu gün döyüş sahəsində tapılıb” ; onlar “itkin düşmüş” hesab olunurdu. Məlumatlar bu səbəbdən dəyişdirilib”, - deyə məlumatda vurğulanıb.
Xatırladaq ki, bundan əvvəl Azərbaycan Müdafiə Nazirliyi mətbuat xidmətinin rəhbəri Vaqif Dərgahlı bildirmişdi ki, qarşıdurma zamanı Erməni tərəfi 200 nəfər ölü və 500 yaralı olmaqla itki verib.
