Azərbaycan üzərindən hərəkət edən Ukrayna-Çin qatarı boş qayıtdı
Ukrayna-Gürcüstan-Azərbaycan-Qazaxıstan-Çin marşrutu üzrə hərəkət edən konteyner qatarı əks istiqamətdə boş qayıdır.
"İnterfaks-Ukrayna" agentliyi xəbər verir ki, yanvarın 15-də hərəkətə başlayan və təxminən 16 sutka sonra Çinə çatan qatara yerli şirkətlər maraq göstərməyib. Xeyli vaxtdır sifariş gözləyən qatar, nəhayət, Ukrayna istiqamətində hərəkətə başlayıb.
Ukraynanın "Ukrzalnitsa" şirkətinin açıqlamasında bildirilir ki, bundan sonra qatar yalnız sifariş daxil olduğu təqdirdə hərəkət edəcək. Buna baxmayaraq, Ukraynanın infrastruktur naziri Vladimir Omelyan yeni "İpək yolu" ilə hərəkət edən ilk qatarın Çinə çatmasını ciddi siyasi uğur adlandırıb. (APA)
