"Bakıda yanan binada xəsarət alanların əksəriyyəti evə buraxılıb"
“Bakıda yanğın baş verən binada xəsarət alanların böyük əksəriyyəti evə buraxılıb. Hazırda yalnız bir xəstə Kliniki Tibbi Mərkəzin Toksikologiya şöbəsində müalicəsini davam etdirir”.
Bunu APA-ya Klinik Tibbi Mərkəzin Toksikologiya şöbəsinin müdiri, baş toksikoloq Azər Maqsudov deyib. O bildirib ki, ötən həftə şöbədə müalicə alan 8 xəstədən 7-si evə buraxılıb: “Hazırda müalicəsi davam etdirilən şəxs hadisə nəticəsində dünyasını dəyişən 3 yaşlı Fərəhin anası Günay Məhərrəmovadır. Sabah o, müayinədən keçiriləcək. Bundan sonra həmin xəstənin nə zaman evə buraxılacağı məlum olacaq”.
Qeyd edək ki, mayın 19-da Azərbaycan paytaxtında çoxmərtəbəli binada baş verən yanğın nəticəsində 15 nəfər ölüb, 50 nəfər xəsarət alıb.
