Əfqanıstanda qəzaya uğrayan Azərbaycan təyyarəsinin 53 yaşı varmış...
Azərbaycanın”Silk Way” aviaşirkətinə məxsus olan və ötən gün Əfqanıstanda qəzaya uğrayan An-12 yük təyyarəsinin istismar müddəti bu ilin oktyabrında bitməli imiş.
Virtualaz.org xəbər verir ki, bu barədə Ukraynanın “Antonov” şirkətinin mətbuat xidməti bildirib.
Təyyarə sonuncu dəfə 1991-ci ildə əsaslı təmirdən keçib, istismar müddəti bu ilin oktyabrında bitməli idi və həmin müddətdən sonra təyyəyə texniki baxış keçirilərək onun sonrakı istismarının mümkünlüyü haqda qərar verilməliydi. Təyyarənin özü isə nə az, nə çox, düz 1963-cü ildə, yəni SSRİ dövründə, Nikita Xruşşovun birinci katib olduğu illərdə Daşkənd aviasiya istehsalat birliyində yığılıb. Təyyarə indiyədək dörd dəfə əsaslı təmirdən keçib.
Xəbər verildiyi kimi təyyarə havaya qalxarkən uçuş zolağındakı maneəyə dəyərək qəzaya uğrayıb. 9 heyət üzvündən 7-i həlak olub. Onların arasında Azərbaycan vətəndaşları da var.
