Erməni hərbçilərə hospitallarda yer tapılmır
Ermənistanın Vardenis, Sisyan və Berd bölgələrində mülki xəstəxanalar və hərbi hospitallar birləşdiriləcək. AzVision.az xəbər verir ki, bu barədə Ermənistanın Səhiyyə Nazirliyi məlumat yayıb.
Bildirilib ki, səhiyyə naziri Levon Altunyan və müdafiə naziri Vigen Sarkisyan Vardenis, Sisyan və Berd vilayətlərində mülki və hərbi hospitalların birləşdirilməsi məsələsini müzakirə ediblər.
Xəstəxanaların birləşdirilməsini sakinlər və ordu daxilində epidemiyaların geniş yayılması kimi pərdələyən Ermənistanın rəsmi qurumları əslində yaralı və xəstə əsgərlərin hospitallarda düzgün müayinə edilməməsi və yer məhdudiyyətinin olması faktlarını gizlədir.
