İran hökuməti əxlaq polisini ləğv etməyi planlaşdırır
İran hökuməti hicabla bağlı yeni qanunda əxlaq polisinin fəaliyyətini ləğv etməyi nəzərdə tutur.
"Report” xəbər verir ki, bu barədə İran parlamentinin spikeri Məhəmməd Baqer Qalibaf "X” sosial şəbəkəsindəki hesabında paylaşım edib.
Parlamentin spikeri təşəbbüsün qəbul edilməsi müddətini dəqiqləşdirməyib.
"Həm müsbət, həm də mənfi aspektləri əhatə edən bir qanun qəbul edilməli idi. Yeni qanunda əxlaq polisi tamamilə ləğv edilib. Lakin hökumətin digər sahələrdə həll edilməli olan bəzi problemləri var", - paylaşımda vurğulanıb.
Qeyd edib ki, hicab geyinilməsi artıq ölkənin digər bir qanunu ilə təsbit edilib.
İranın Cinayət Məcəlləsi artıq hicab geyinmə qaydalarının pozulmasına görə cəzalar nəzərdə tutur. Müntəzəm qayda pozanlar 15 ilədək həbs cəzasına məhkum edilə bilərlər.
