ABŞ Dövlət Departamenti 3500-ə yaxın işçisini ixtisar edəcək
Yeniavaz.com xəbər verir ki, bu barədə CBS telekanalı əldə etdiyi hökumət sənədlərinə istinadla məlumat yayıb.
Məlumata görə, Dövlət Departamentinin ABŞ Konqresinə göndərdiyi müvafiq plan xarici siyasət departamentinin 3448 əməkdaşına, onun işçilərinin təxminən 18%-nə aiddir.
Onlardan 1873 nəfəri ixtisar olunacaq və ya işdən çıxarılacaq, qalan 1575 nəfər isə öz istəyi ilə ayrılacaq.
Rəhbərlik işçilərə yenidən təşkilin iyulun 1-nə qədər əsaslı şəkildə başa çatması barədə xəbərdarlıq edib və bildirişi almaq üçün onlardan əlaqə məlumatlarını yeniləməyi xahiş edib.
Dövlət Departamentinin əməkdaşlarına göndərilən bildirişə görə, departament şöbələrinin təxminən 45%-i birləşəcək və ya tamamilə ləğv ediləcək. Bu, xüsusilə, planda qeyd olunduğu kimi, demokratiya və insan haqları məsələlərinə cavabdeh olan şöbələrə təsir edəcək.
