Xaricdən gətirilən kərə yağı 16% ucuzlaşıb, marketlərdə isə ucuzlaşma cəmi 7 faizdir
Yeniavaz.com-un açıqlanan rəsmi məlumatlara istinadən apardığı hesablama göstərir ki, xaricdən gətirilən kərə yağının 1 kiloqramının orta gömrük dəyəri 5,3 dollar (9 manat) olub.
Müqayisə üçün bildirək ki, ötən ilin eyni dövründə xaricdən gətirilən kərə yağının 1 kiloqramının orta gömrük dəyəri 6,3 dollar (10,7 manat) olub.
Açıqlanan məlumatlardan da göründüyü kimi, son bir ildə idxal olunan kərə yağının qiymətində 16% ucuzlaşma baş verib.
Lakin son bir ildə idxal olunan kərə yağının qiymətində qeydə alınan 16%-lik ucuzlaşmaya baxmayaraq, ölkə daxilindəki pərakəndə satış mağazalarında bu səviyyədə ucuzlaşma müşahidə edilmir.
Statistika Komitəsinin açıqladığı məlumatlarda bildirilir ki, 2023-cü ilin yanvar ayı ilə müqayisədə bu ilin yanvar ayında ölkədə kərə və bitki yağlarının qiyməti cəmi 6,8% ucuzlaşıb.
