"İnsanlarımız küçədə gecə yarısınadək böyük həvəslə qartopu oynayırlar" - Deputat
Gundeminfo.az pravda.az-a istinadla xəbər verir ki, bunu Milli Məclisin deputatı Cavanşir Paşazadə deyib.
O, Bakı Şəhər İcra Hakimiyyətinin və digər aidiyyəti qurumların tənqid edilməsinə də münasibət bildirib:
“Bir az tənqid etməyə, özümüzdən başqa heç kimi bəyənməməyə meyilliyik. Hər kəsin işinin çətinlikləri, problemləri var. Təbii ki, bu boyda şəhərə rəhbərlik etmək, bütün ölkədə problemləri 1 saatda həll etmək, insanları, texnikanı səfərbər etmək bir az çətin olar. Diqqət yetirilməyən bölgələrdə insanlar narazılıq edə bilərlər. Bu da təbiidir. Narazılıq canımızda var. Yaxşı işləri qiymətləndirməmək, tərif deməmək, hər şeydə pisi görmək... Allahın izni ilə, hər şey yaxşı olar”.
