Musiqili Teatrda təhlükəli vəziyyət: Səhnəyə yanğına həssas material alınır
Azərbaycan Dövlət Akademik Musiqili Teatrı səhnə tərtibatı üçün yanğına həssas material almağı planlaşdırır.AzFakt.com xəbər verir ki, Teatr 10 ədəd (40 kvadrat metr) alkopan materialını "Sən kralsan” tamaşasının qurulması üçün lazım olan digər malların satınalınması" lotu üzrə keçirdiyi satınalma yolu ilə alacaq.
Qeyd edək ki, alkopan materialı, yəni alüminium kompozit panel iki alüminium təbəqə arasında yerləşdirilmiş polietilen qatından ibarət olan çoxfunksiyalı inşaat materialıdır.
Radiasiyaya və yanğına həssas olduğu üçün bir çox inkişaf etmiş ölkələrdə alkopan materialının istifadəsi qadağan edilib.
Xatırladaq ki, 2024-cü ildə Azərbaycanda COP29 tədbirləri çərçivəsində Bakı şəhərində olan binaların fasadından alkopan üzlükləri restavrasiya edildi.
Akademik Musiqili Teatrı təhlükəli materialın alınmasına mövqe bildirməyib.
