Pirat rəqəmsal yayım şəbəkəsi çökdü: - 10 ölkədə 100 nöqtəyə basqın edildi
Gununsesi.info xarici mediaya istinadən xəbər verir ki, əməliyyatla dünyanın ən böyük rəqəmsal pirat yayım şəbəkəsinin məhv edildiyi açıqlanıb.
Europolun 2 illik araşdırması çərçivəsində 10 ölkədə 100 evə basqın edilib.
Əməliyyat çərçivəsində 11 nəfər saxlanılıb, 102 nəfər barəsində cinayət işi başlanıb.
Cinayət şəbəkəsinin 22 milyondan çox istifadəçiyə pirat məzmun təqdim etdiyi iddia edilir. Şəbəkənin hər ay 250 milyon avrodan çox qeyri-qanuni gəlir əldə etdiyi düşünülür.
Əməliyyatdan sonra pirat məzmun təqdim edən bir çox internet saytı oflayn vəziyyətə salınıb. Qeyri-qanuni pulsuz yayımları yerləşdirməkdə şübhəli bilinən 100-ə yaxın veb-sayt və domen də bağlanıb.
Europol elan etdi ki, əməliyyatda müəllif hüquqlarının pozulması ilə yanaşı, çirkli pulların yuyulması və kibercinayətkarlıq da daxil olmaqla digər cinayət fəaliyyətlərinə dair dəlillər aşkar edilib.
