Əfqanıstanda güclü zəlzələ- 7 nəfər ölüb, 150 nəfər yaralanıb
2200 nəfərin ölümünə səbəb olan zəlzələdən aylar sonra Məzari-Şərif şəhəri yaxınlığında 6,3 bal gücündə zəlzələ baş verib.Gundem.info.az xəbər verir ki, Əfqanıstanın şimalında, Məzari-Şərif şəhəri yaxınlığında baş verən 6,3 bal gücündə güclü zəlzələ nəticəsində azı 7 nəfər ölüb, 150 nəfər yaralanıb.
Birləşmiş Ştatların Geoloji Xidmətinin (USGS) məlumatına görə, zəlzələ bazar ertəsi saat 12:59-da (GMT 20:29) Məzari-Şərif yaxınlığında 28 km (17 mil) dərinlikdə baş verib.
Məzari-Şərif yaxınlığındakı dağlıq şimal əyaləti olan Samanqandakı İctimai Səhiyyə Nazirliyinin sözçüsü Samim Coyanda Reuters xəbər agentliyinə bildirib ki, “bu səhərə qədər ümumilikdə 150 nəfər yaralanıb və 7 nəfər vəfat edib”.
