“Türkiyədə sosial şəbəkələr bağlanmayacaq, amma...”
"Qafqazinfo" xəbər verir ki, İbrahim Kalın bu barədə Anadolu Agentliyinə açıqlama verib. O hazırda belə bir planın mövcud olmadığını bildirib. "Sosial şəbəkələrin bağlanmasına dair heç bir plan yoxdur. Ancaq tənzimlənməli olduğu barədə artıq razılığa gəlinib", -deyə Kalın bildirib.
O bildirib ki, gerçək həyatda cinayət kimi qəbul olunan əməllər virtual həyatda da cinayət hesab edilməlidir.
"Əgər sizi təhqir edirəmsə, böhtan atıramsa, şəxsi hüquqlarınızı pozuramsa, intim biliyinizi ortaya qoysam və ya terror təbliğatı aparıramsa, bu, real həyatda cinayət sayıldığı kimi, virtual aləmdə də cinayət sayılmalıdır",-deyə İbrahim Kalın qeyd edib.
