Azərbaycanda nə qədər “Facebook” və İnstagram” istifadəçisi var?
Bu ilin noyabr ayında Azərbaycanda "İnstagram" sosial şəbəkə istifadəçilərinin sayı oktyabr ayı ilə müqayisədə 1,3 faiz, “Facebook" istifadəçilərinin sayı isə 3 faiz artıb.
Yeniavaz.com xəbər verir ki, 2021-ci ilin noyabr ayında Azərbaycanda 5 milyon 230 min 100 “Facebook” istifadəçisi olub. Bu da bütün əhalinin 50,9 faizini təşkil edir. Onların 64,7 faizi kişi, 35,3 faizi isə qadındır.
Azərbaycanda “İnstagram” istifadəçilərinin sayı isə 2021-ci ilin noyabr ayında 4 milyon 073 min 400 olub. Bu isə bütün əhalinin 39,7 faiz təşkil edir. Onlardan 62,8 faizi kişi, 37,2 faizi isə qadındır.
Qeyd edək ki, həm “Facebook” və “İnstagram”dan ən çox istifadə edən şəxslər 25-34 yaş arası insanlardır.
