YENİ Partiyaya vətəndaşlar 24 saat ərzində nə qədər pul göndəriblər?
Özgür Özəl yeni yaradılan və Türkiyənin aparıcı müxalifət partiyasına çevrilən YENİ Partiyanın maliyyələşdirilməsi üçün ianə kampaniyası başladıb.Yeniavaz.com “Birgün”ə istindla xəbər verir ki, 24 saat ərzində toplanan ianənin miqdarı açıqlanıb.
“Partiyamızın həmrəylik kampaniyasının ilk 24 saatı ərzində 31 min 934 vətəndaş ümumilikdə 113 milyon 841 min 910 TL (təxminən 4 milyon 73 min AZN) məbləğində ianə edib. Dəstək göstərən bütün vətəndaşlara səmimi təşəkkürümüzü bildiririk”, - partiyanın Çanaqqaladan olan millət vəkili Özgür Ceylan bildirib.
Xatırladaq ki, Özgür Özəlin liderliyində 91 millət vəkili Türkiyədə aparıcı müxalifət partiyası olan Cümhuriyyət Xalq Partiyasından (CHP) istefa verərək YENİ Partiyanı yaradıblar.
Ö. Özəl daha sonra verdiyi müsahibədə artıq əllərində CHP-nin maliyyə imkanlarının olmadığını, buna görə də ianə kampaniyası keçirəcəklərini bildirmişdi.
