“Polisin kimisə çılpaq götürməyi qanunaziddir”
Gundeminfo.az xəbər verir ki, bu sözləri deputat Fazil Mustafa “Yeni Müsavat”ın canlı yayımında deyib. O bildirib ki, polisin kimisə tutanda başına vurmağı, çılpaq götürməyi qanunaziddir:
“Bu, olmaz. Xanıma qarşı da bunu etmək olmaz. Məndə olan məlumata görə, həmin xanım da bir öncədən polisə müraciətində “dovşansan” ifadəsini işlədib. Polis də sanki onun cavabını verir. Amma vətəndaşa bu formada, bu cavab verilməz”.
Qeyd edək ki, ötən gün deputat mediaya açıqlamasında polisə zibil atmağı bomba atmağa bənzətmişdi. Onun bu fikirləri ictimaiyyət tərəfindən narazılıqla qarşılanmışdı.
