Bitkoin yeni rekorda imza atdı – 126 min dolları keçdi
Yeniavaz.com xəbər verir ki, “Binance” ticarət platformasının məlumatına görə, dünən axşam saatlarında bitkoinin qiyməti bir token üçün 126 min 764 dollar olub.
Bu, kriptovalyutanın tarixində qeydə alınan ən yüksək göstəricidir.
Bundan əvvəlki rekord isə cəmi bir gün əvvəl – oktyabrın 5-də, bitkoinin 125 min dolları ötməsi ilə müəyyən edilib. Həmin gün səhər saatlarında kriptovalyutanın bazar kapitallaşması 2,48 trilyon dollara yüksəlib.
Ekspertlər bitkoinin son yüksəlişini ABŞ dollarının zəifləməsi və qlobal bazarlarda qeyri-müəyyənliklə əlaqələndirirlər.
Mütəxəssislərin fikrincə, ABŞ-də ticarət siyasəti ilə bağlı gərginlik və prezident Donald Trampın tarif qərarları investorları daha riskli, lakin gəlirli aktivlərə – o cümlədən kriptovalyutalara yönəldib.
