Ümit Karan narkotikə görə saxlanıldı
Keçmiş futbolçu Ümit Karan İstanbul Baş Prokurorluğu tərəfindən aparılan narkotik istintaqı çərçivəsində saxlanılıb.Yeniavaz.com DHA-ya istinadən xəbər verir ki, Türkiyənin hüquq-mühafizə orqanlarının əməkdaşları Karanı Sabiha Gökçen hava limanında saxlayıblar.
Bildirilib ki, Karan işin araşdırılması üçün polis bölməsinə aparılıb və sabah məhkəməyə göndəriləcək.
Türkiyədə “Gençlerbirliği”, “Qalatasaray”, “BB Ankaraspor” və “Əskişəhərspor” klublarında oynamış Karan 2011-ci ilin avqustunda karyerasını başa vurub.
