İlber Ortaylı süni tənəffüs aparatına qoşuldu
Bir müddətdir xəstəxanada müalicə olunan tanınmış türkiyəli tarixçi və yazıçı İlber Ortaylı reanimasiyada süni tənəffüs aparatına qoşulub və müalicəsi bu şəkildə davam etdirilr.
Bu barədə açıqlama Ortaylının sosial şəbəkə hesabında paylaşılıb.
Məşhur tarixçinin bir müddət şüuru açıq şəkildə müalicə aldığı, lakin vəziyyətinin ciddiləşməsi səbəbindən Reanimasiya şöbəsinə köçürüldüyü qeyd olunub. Açıqlamada bazar günündən etibarən süni tənəffüs aparatına qoşulan Ortaylının vəziyyətinin stabil olduğu bildirilib.
Ortaylının yanvar ayında prostat əməliyyatı keçirdiyi, xəstəxanadan evə buraxıldıqdan sonra isə bu narahatlıqla əlaqədar bəzi sağlamlıq problemləri yarandığı üçün yenidən xəstəxanaya yerləşdirildiyi qeyd olunub.
Şəkərli diabet xəstəsi olan və böyrək çatışmazlığı səbəbindən həftədə üç gün dializ müalicəsi alan Ortaylının eyni zamanda immunitet sistemi ilə bağlı immunoterapiya aldığı bildirilir.
Oxu.az
