Zelenskinin 1 ildir yaşadığı otaq: “İşıqları söndürməyə öyrəşmişik” – Video
Yeniavaz.com xəbər verir ki, Ukrayna prezidentinin ofisində söhbət zamanı Vladimir Zelenski bir ildir harada yaşadığını göstərib.
Belə ki, otaqda çarpayı, əlüzyuma, saç yuyan, stol, televizor və soyunub-geyinmə otağı olan ayrıca otaq var. Bundan əlavə, işıqlı pərdələri olan iki pəncərə var.
Prezidentin sözlərinə görə, o, 2022-ci il fevralın 24-dən, Rusiyanın genişmiqyaslı hücumu başlayandan bu otaqda yaşayır. O, Ofisin işçiləri ilə birlikdə sığınacağa düşdüyünü, lakin vaxtının çoxunu sırf bu otaqda keçirdiyini etiraf edib:
“Bu mənim evimdir. Artıq bir ildir ki, burada yaşayıram. Elektrik enerjisinə qənaət etdiyimiz üçün burada həmişə işıqları söndürməyə öyrəşmişik. Bu, artıq adət kimidir”.
O, iş masasında çərçivəyə salınmış həyat yoldaşı Yelena Zelenskaya və uşaqları ilə ailə şəklini də nümayiş etdirib.
