BƏƏ-yə məxsus tanker Hörmüz boğazında hücuma məruz qalıb
Birləşmiş Ərəb Əmirlikləri (BƏƏ) milli neft şirkəti ADNOC-a məxsus tankerin Hörmüz boğazından keçərkən hücuma məruz qaldığını açıqlayıb.APA xəbər verir ki, şirkətin yaydığı məlumata görə, hadisə avqustun 14-də, cümə axşamı axşam saatlarında baş verib. Hücum nəticəsində xəsarət alan olmayıb və vəziyyət nəzarətə götürülüb.
Qeyd edək ki, bundan bir gün əvvəl də ADNOC-a məxsus iki tanker Hörmüz boğazından keçərkən hədəfə alınmış, hadisə nəticəsində ölən və yaralanan olmamışdı.
