Tarixin ən ölümcül virusu nəzarətdən çıxdı - Ölü və yoluxan sayı durmadan artır
Konqo Demokratik Respublikasında davam edən Ebola epidemiyası nəticəsində ölənlərin sayı 2 325-ə yüksəlib.Manset.az xarici mediaya istinadən xəbər verir ki, təsdiqlənmiş yoluxma hallarının sayı isə 4 945-ə çatıb.
Konqo Demokratik Xalq Sağlamlığı İnstitutunun yaydığı son hesabata əsasən, son 24 saat ərzində ölkədə 101 yeni Ebola virusuna yoluxma halı qeydə alınıb.
Bizi Instagramda izləyin
<<
Hazırkı epidemiya 2018–2020-ci illərdə baş vermiş Ebola epidemiyası zamanı qeydə alınan ölüm sayını ötüb. Bununla da ölkə tarixində ən çox insanın həyatına son qoyan Ebola epidemiyasına çevrilib.
Ölkədə qeydə alınan 17-ci Ebola epidemiyası olan hazırkı böhran yoluxma hallarının sayına görə də iyulun sonunda Konqo Demokratik Respublikasının tarixində ən genişmiqyaslı epidemiya kimi qeydə alınmışdı.
Son məlumatlar göstərir ki, ölənlərin sayı 2018–2020-ci illərdəki epidemiyada qeydə alınan 2 299 ölüm halını da keçib.
