Azərbaycanlı Qazaxıstanda deputat seçildi
Qazaxıstan Xalqları Assambleyası VII çağırış parlamentdə təmsil olunacaq deputat siyahısını tərtib edib.
Yenisabah.az xəbər verir ki, Assambleyanın 9 üzvü parlamentə daxil olacaq.
Yeni seçilmiş deputatlar arasında Qazaxıstan Azərbaycanlıları Assosiasiyasının sədri Əbülfəz Xamedov da var.
Xatırladaq ki, Qazaxıstanda partiya siyahıları üzrə yanvarın 10-u keçirilən parlament seçkilərində ilkin məlumatlara görə, "Nur Otan" partiyası qələbə qazanıb. Növbəti yerlərdə "Ak Jol" və Qazaxıstan Xalq Partiyası gəlir.
Qazaxıstan parlamentində 107 deputat seçilir. Onlardan 98-i ümumxalq səsverməsi yolu ilə, 9-u isə Qazaxıstan Xalqlar Assambleyası tərəfindən seçilir.
