Gələn il minimum əməkhaqqı və pensiyalar qaldırılacaq
Gələn il Azərbaycanda minimum əməkhaqqının, pensiyaların və sosial müavinətlərin artırılması nəzərdə tutulur.
Bu barədə Prezident İlham Əliyev Yeni Azərbaycan Partiyasının (YAP) VIII Qurultayında çıxışı zamanı bildirib.
Dövlət başçısı qeyd edib ki, bununla bağlı artıq göstəriş verilib.
“Artıq göstəriş verildi, gələn il minimum əməkhaqqı qaldırılacaq, pensiyalar qaldırılacaq, sosial müavinətlər qaldırılacaq”, – Prezident İlham Əliyev deyib.
Prezident vurğulayıb ki, sosial ödənişlərin artırılması əhalinin rifahının yaxşılaşdırılmasına yönəlmiş siyasətin tərkib hissəsidir.
“Bu siyasəti biz müntəzəm aparırıq ki, Azərbaycan xalqının rifahı ildən-ilə yaxşılaşsın”, – dövlət başçısı bildirib.
