174 səhmdar cəmiyyətin fəaliyyətində pozuntular aşkarlandı
2015-ci ildə Qiymətli Kağızlar üzrə Dövlət Komitəsinin ünvanına 309 səhmdar cəmiyyəti ilə bağlı səhmdarların hüquqlarının pozulması barədə 358 şikayət ərizəsi və 27 müraciət daxil olub.
Komitədən APA-ya verilən məlumata görə, aparılmış araşdırmalar nəticəsində səhmdar cəmiyyətlərinin 174-nün fəaliyyətində ciddi qanun pozuntuları aşkar olunub və həmin səhmdar cəmiyyətlərinə qarşı 212 500 manat məbləğində inzibati cərimələr tətbiq edilib, səhmdar cəmiyyətlərin fəaliyyətində aşkar edilmiş qanun pozuntularının aradan qaldırılması haqqında 70 icrası məcburi göstəriş verilib.
