“Mersedes”dən 1000 qutu aksizsiz “Marlboro” çıxdı
Azərbaycan gömrük xidməti əməkdaşları ölkəyə qaçaqmalçılıq yolu ilə gətirilən külli miqdarda siqaretin realizə edilməsinin qarşısını alıblar.
Virtualaz.org saytı Dövlət Gömrük Komitəsindən verilən məlumata əsasən xəbər verir ki, Gəncə Gömrük İdarəsinin gömrük hüquqpozmalarına qarşı mübarizə şöbəsinin əməkdaşları tərəfindən Gəncə-Şəmkir şossesinin 13 km-də “Mercedes-Benz” markalı, 99-HZ-620 dövlət qeydiyyat nişanlı nəqliyyat vasitəsi saxlanılıb.
Həmin nəqliyyat vasitəsini idarə edən Göygöl rayon sakini Mahir Məmmədova məxsus avtobusa baxış zamanı avtobusun yük yerindən Azərbaycan aksiz markası ilə markalanmayan 1 000 qutu “Marlboro” siqareti aşkar edilərək götürülüb. Faktla bağlı araşdırma aparılır.
