Masallıda güclü yanğın: Onlarla ev işıqsız qaldı - VİDEO
Elektrik yarımstansiyasındakı transformator yandı.
Masallı rayonunuda, mərkəzdən 24 km aralıda yerləşən Tüklə kəndində elektrik yarımstansiyasında güclü yanğın baş verib. Transformatorlardan birinin yanar hissələri və yağı tamamilə yanıb, yaxınlığında yerləşən digər transformator yanğından mühafizə olunub.
Hadisə yerinə Fövqəladə Hallar Nazirliyinin Masallı rayon yanğından mühafizə hissəsinin 3 yanğınsöndürən maşını və canlı qüvvəsi göndərilib. Lakin yanğın şiddətləndiyindən, əlavə olaraq, Cəlilabad və Lənkəran rayonlarından daha 2 yanğınsöndürən maşın cəlb olunub.
Yanğını lokallaşdırmaq mümkün olub. Yarımstansiyadakı transformator yararsız vəziyyətə düşdüyündən, Lənkəran və Masallı rayonlarında, ümumilikdə 20-yə yaxın yaşayış məntəqəsi işıqsız qalıb. Hazırda qəza briqadaları elektrik enerjisinin bərpası istiqamətində müvafiq tədbirlər görürlər. Faktla bağlı araşdırma aparılır. (Region TV)
