Sayt rəhbəri ilə birgə həbs edilən mühafizəçi azadlığa buraxıldı
Pravda.az-ın əldə etdiyi məlumata görə, sonuncu keçirilən prosesdə qərar elan olunub.
Qərara əsasən, Ərşad İbrahimovun apellyasiya şikayəti təmin edilməyib, Qabil Səfərovun isə apellyasiya şikayəti qismən təmin olunub. Belə ki, Qabil Səfərova şərti cəza verilib və məhkəmə zalından azadlığa buraxılıb.
Qeyd edək ki, Ərşad İbrahimov və Qabil Səfərov 2023-cü ildə DİN-nin Baş Mütəşəkkil Cinayətkarlıqıa Mübarizə İdarəsi tərəfindən saxlanılıb.
Sayt rəhbəri ayrı-ayrı şəxslər barəsində müxtəlif rüsvayedici xəbərlər yayaraq sonradan həmin xəbərlərin silinməsi üçün hədə-qorxu yolu ilə pul tələb etməkdə ittiham olunur.
Onların barəsində Cinayət Məcəlləsinin təkrar hədə-qorxu ilə tələb etmə maddəsi üzrə cinayət işi qaldırılaraq barəsində həbs qətimkan tədbiri seçilib.
Qeyd: Qabil Səfərov Gəncədə yerləşən istehsalat birliklərindən birində mühafizəçi işləyib.
Xatırlatma: 2014-cü ildə Ərşad İbrahimov pul tələb etməyə görə cinayət məsuliyyətinə cəlb edilib. Gəncə Ağır Cinayətlər Məhkəməsi onu 11 il müddətinə azadlıqdan məhrum edib, Gəncə Apellyasiya Məhkəməsi bu müddəti 10 ilə, Ali Məhkəmə isə 5 ilə endirib.
