Serftifikasiyadan kəsildi, məktəbə texniki işçi kimi düzəlmək istədi - Dələduzluğun qurbanı oldu
Qaynarinfo-nun əldə edtydiyi məlumata görə, imtahandan kəsildiyi üçün işdən çıxarılan həmin şəxsin atası Elnur adlı tanışına qızının işdən çıxarıldığını bildirib. Elnur isə ona qızını yenidən işlədiyi məktəbdə texniki işçi kimi işə düzəldə biləcəyini deyib. Bunun müqabilində isə 2000 manat pul istəyib. Deyilən məbləğ Elnura verilsə də, vədini yerinə yetirməyib.
Elnur başqa bir şəxsin adına 3950 manat kredit götürüb ödəmədiyinə görə barəsində hüquq-mühafizə orqanlarına şikayət edilib. Həmin şəxs saxlanılıb və ona Cinayət Məcəlləsinin 178.2.2-ci maddəsi ilə ittiham elan edilib. Həmçinin məhkəmənin qərarı ilə barəsində həbs qətimkan tədbiri seçilib.
Cinayət işinə Ağcəbədi Rayon Məhkəməsində hakim Rəşad Nuriyevin sədrliyi ilə baxılıb. Elnur məhkəmədə verilmiş ittihamla özünü təqsirli bildiyini deyib. Təqsirləndirilən şəxs dəymiş ziyanı ödəyəcəyini deyərək məhkəmdən yüngül cəza verilməsini xahiş edib.
Məhkəmənin hökmü ilə ilə ona 2 il müddətinə azadlıqdan məhrum etmə cəzası təyin edilib.
