Azərbaycan vətəndaşı Gürcüstanda itkin düşdü
Azərbaycan vətəndaşı Hafiz Süleymanov Gürcüstanın Batumi şəhərində itkin düşüb.Yeniavaz.com xəbər verir ki, bu barədə itkin düşən şəxsin bacısı qızı Günay Əlizadə Gürcüstanın “Batumelebi” nəşrinə bildirib.
Onun sözlərinə görə, Hafiz Süleymanov quru sərhədi ilə Türkiyədən Gürcüstana keçib və avqustun 28-dən etibarən onunla əlaqə saxlamaq mümkün olmayıb.
“Sərhəd kamerasının görüntülərini yoxladıq. Onun Türkiyədən Gürcüstana keçdiyini bilirik. Bundan başqa onun haqqında heç bir məlumatımız yoxdur. Telefonunu Türkiyədə itirdiyi üçün hazırda onunla əlaqə saxlaya bilmirik”, - G. Əlizadə bildirib.
Gürcüstanın Daxili İşlər Nazirliyindən “Batumelebi” nəşrinə bildirilib ki, itkin düşən Azərbaycan vətəndaşının axtarışı davam etdirilir.
