Rusiya Qazaxıstanın axtarışa verdiyi biznesmeni həbs etmədi
Rəsmi Moskva Qazaxıstanda axtarışda olan bankir Jomart Ertayevi təhvil vermək istəməyib.
Modern.az “Kommersant” nəşrinə istinadən xəbər verir ki, Ertayev Qazaxıstanda bankdan 80 milyon dollar oğurlamaqda ittiham olunur.
Nəşrin məlumatına görə bankirin vəkilləri Moskvanı axtarışın əsassız olduğuna inandıra bilib.
Onun vəkilinin sözlərinə görə hələ yazda Moskvada hüquq mühafizə orqanları tərəfindən saxlanılan Ertayev Rusiya dövləti tərəfindən qaçqın statusu alıb.
Bundan əlavə Ertayev ev həbsindən də azad edilib.
Xatırladaq ki, Jomart Ertayev Qazaxıstanda bir sıra banklarda çalışıb. Ona qarşı qaldırılan ittihamnamədə Ertayevin dələduzluq yolu ilə 80 milyon dolları mənimsədiyi bildirilib.
Qeyd edək ki, Ertayevin vəkilləri onun pulları mənimsəmədiyini və bu pulların “Alma TV” kanalının səhmlərinin alınmasına sərf olunduğunu iddia edir. Üçüncü bir şəxsin adına alınan kreditdən sonra o, “Alma TV”nin baş direktoru olub.
