Ərköyün diplomatlara görə cəzalar sərtləşdirildi
Azərbaycanın nöqsanlara yol verən diplomatik əməkdaşlarına qarşı cəzalar sərtləşdirilib. Bu barədə məsələ Milli Məclisin bu gün keçirilən plenar iclasında müzakirəyə çıxarılan “Diplomatik xidmət haqqında” qanuna edilən dəyişikliklərdə öz əksini tapıb.
Təklif olunan dəyişiklikdə qeyd olunub ki, “Xidməti vəzifələrinin kobud şəkildə pozulmasına və ya diplomatik xidmətlə bir araya sığmayan hərəkətlərə görə” diplomatik əməkdaşların rütbələri aşağı salına və ya onlar öz rütbələrindən məhrum edilə bilərlər.
Layihə səsverməyə qoyularaq qəbul edilib.
