İcra başçısı şəhər 2 nömrəli körpələr evi-uşaq bağçasında olub
Tərtər Rayon İcra Hakimiyyətinin başçısı Müstəqim Məmmədov şəhid Toğrul Hüseynov adına 95 yerlik şəhər 2 nömrəli körpələr evi-uşaq bağçasında olub. İcra Hakimiyyətindən "Gundeminfo.az"-a daxil olan məlumata görə, rayon rəhbəri bağçanın kollektivi ilə görüşüb, uşaqların saxlanma şəraiti, davamiyyəti, tibbi müayinə olunmaları və qida rasionu ilə maraqlanıb.

İcra başçısı kollektivə gələcəyimiz olan uşaqların sağlamlıqlarının diqqət mərkəzində saxlanması üçün gündəlik gigeyina qaydalarına düzgün riayət etməyi, balacaların hər birinə fərdi qayda da yanaşmağı tövsiyə edib.
Şəhər 2 nömrəli körpələr evi-uşaq bağçasının kollektivi ölkəmizdə uşaqların sosial müdafiəsinin gücləndirilməsi ilə bağlı göstərilən diqqət və qayğıya görə ölkə rəhbəri cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.


836 dəfə oxundu