Azərbaycan Ukraynaya 34, Fələstinə isə 2 milyon dollarlıq yardım göstərib
Gundeminfo.az xəbər verir ki, bu barədə Azərbaycan Respublikasının Xarici İşlər Nazirliyinin 2023-cü ilin yekunlarına dair mətbuat buraxılışında bildirilib.
Qeyd edilib ki, ümumilikdə, Azərbaycan Respublikası tərəfindən Ukraynaya göstərilmiş humanitar, eləcə də bərpa və yenidənqurma məqsədli yardımın məbləği 57 milyon manatdan artıq (təxminən 34 milyon ABŞ dolları) təşkil edir ki, bunun yarıya qədəri cari il ərzində həyata keçirilib.
Qeyd edilib ki, dekabr ayında Qəzza zolağında mülki əhaliyə yardım göstərilməsi məqsədilə BMT-nin Yaxın Şərqdəki Fələstinli Qaçqınlar üzrə Yardım və İş Agentliyinə (UNRWA) maliyyə yardımı olaraq 2 milyon ABŞ dolları məbləğində vəsait ayrılıb.
